شوي السمك

موضوع: **شوي السمك** الثلاثاء ديسمبر 11, 2007 2:22 pm

الشوى بالزيت واللمون

اولا طبعا السمكة بتتغسل وتتفتح بطنها وتتنضف ويتشال القشر من على السمكة
ثانيا: بنحضر الخلطة وهى نقطع طمامطم قطع صغيرة و فصوص ثوم مفروم ولمون و خضرة ( بقدونس او كسبرة او شبت) و قطع فلفل اخضر صغيرة و نتبلهم بكمون وملح و شوية خل صغيرين .

خلاص حضرنا الخلطة نجيب السمك ونوزع الخلطة بداخل بطن الكمية الى حنشويها (او ممكن نحضرها ونضعها فى الفريزر ونشويها وقت اخر) ثم نتركها نص ساعة مثلا وطبعا كل ميزيد الوقت يبقى افضل.......................
.
.
.

خلصت النص ساعة . نجيب صنية كبيرة بتاعت فرن و ندهنها بكمية زيت قليلة بس عشان تغطيها وبعدين نجيب السمك و نعمل ثلاث فتحات بالعرض لكل سمكة ونحط شوية زيت و نص فص لمون على السمكة من الناحيتين ونرصص السمك فى الصينية ونرش رشة ملح خفيفة اوى
طبعا حنكون مولعين الفرن قبلها ييجى بربع ساعة كدة ونحط السمك تحت الشواية بتاعت الفرن وفى نفس الوقت يكون الفرن من تحت شغال عشان تستوى اسرع
, بس سيبها كدة 10 دقايق او ربع ساعة وبص عليها حتلاقى الجنب بتاع السمكة الى فوق احمر حتطلع الصينية وتقلب السمك على الوش التانى وترش رشة ملح صغيرة اوى وتحطها تانى تحت الشواية و10 دقايق واقفل النار وطلع السمك وكلة مع شوية طحينة بالف هنا وشفا وادعيلى

ملحوظة الطريقة دى بتنفع احسن مع السمك العريض زى البلطى والحاجات الى شبههة

الطريقة التانية : السنجارى
ملحوظة الطريقة دى تجنن عشان البورى

اولا طبعا حنجيب السمك ونضفة كويس ونفتح بطنة بس المرة دة حنفتح السمكة كلها ونفردها لغايت مجسم السمكة يبقى فى مستوى واحد تقريبا
ثانيا : حنستعمل نفس الخلطة السابقة

وبعد كدة تقريبا الطريقة مشابهة للطريقة السابقة والاختلاف الوحيد ان حنحط الخلطة على السمكة من فوق لانها حتبقة مفتوحة وبطنها ناحيت فوق

هنااااا وعااااافية

تحيااااتي
عاشقة برستيج

**شوي السمك**

شوي السمك